Alemáns, estadounidenses e portugueses, os peregrinos máis numerosos no Camiño
O Camiño de Santiago supera un 23% os peregrinos do Ano Santo 2022.
Por Europa Press / Redacción | SANTIAGO DE COMPOSTELA | 14/06/2023 | Actualizada ás 13:48
Concluído o Ano Santo bianual 2021-2022, o Camiño de Santiago continúa batendo marcas este 2023, no que a cifra de peregrinos supera xa nun 23% aos chegados a mediados de xuño do Xacobeo 2022.
Así o apuntou este mércores o director da Fundación Catedral, Daniel Lorenzo, durante o acto de apertura do camarín do Apóstolo Santiago, que renovou o rito do abrazo tras máis de tres anos pechado.
Segundo os datos estatísticos da Oficina do Peregrino, a 13 de xuño chegaran a Santiago 144.697 peregrinos, un 23% máis que no mesmo período do ano anterior. Na última xornada, recolleron a súa compostela 1.736 persoas.
Destes peregrinos, o 76 por cento son estranxeiros, mentres que o 24% son españois. Entre os chegados de fóra das nosas fronteiras, as nacionalidades máis frecuentes son alemáns, estadounidenses e portugueses. Entre os españois, destacan andaluces, madrileños e valencianos.
