Por E.P. | SANTIAGO DE COMPOSTELA | 26/06/2023 | Actualizada ás 18:55
As Festas de Ourense 2023 concluíron cun balance "moi positivo" para o goberno local, que destacou a gran participación do público nas diferentes actividades programadas ao longo deste cinco días de celebracións. "As festas foron un éxito", dixo este luns o alcalde, Gonzalo Pérez Jácome, que eloxiou o formato "compacto" e "sincronizadas" co fin do curso escolar.
Festa da Mocidade, fogos artificiais, orquestras e concertos foron algunhas das citas máis destacadas da programación deseñada polo Concello, que contaron cunha participación masiva. "Sobre todo, conseguimos xerar a inercia de que en Ourense saíndo a certos eventos, gozas. Arrincamos a inercia na cidade de saír á rúa. Os eventos que facemos sempre están cheos de xente porque se arrincou unha inercia que outrora non había", dixo o alcalde.
CONTORNA DAS MERCEDES
Por outra banda, a Xunta de Goberno local aprobou este luns a contratación das obras de mobilidade vertical na contorna das Mercedes, concretamente no tramo da rúa Arturo Pérez Serantes. Igualmente, aprobouse a contratación das obras de mellora da seguridade peonil mediante pasos elevados. Ambas as actuacións, dentro do Plan Move Ourense, suman 2,41 millóns de euros, e estarán financiadas polos fondos Next Generation EU-Plan de Recuperación, Transformación e Resiliencia do Goberno de España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.