As cifras que mostran o éxito rotundo do 'Pan de Cea'
O ano pasado produciu case 400 toneladas
Por Europa Press / Redacción | SANTIAGO DE COMPOSTELA | 02/07/2023 | Actualizada ás 18:53
O director da Axencia Galega de Calidade Alimentaria, José Luís Cabarcos, asistiu á XXX Festa de exaltación do Pan de Cea, onde se destacou que o ano pasado alcanzou unha produción certificada de case 389 toneladas, xerando un valor económico estimado lixeiramente superior ao millón de euros.
Ao evento, que ten lugar no campo da Saleta da localidade ourensá de San Cristovo de Cea, asistiron o delegado territorial da Xunta en Ourense, Gabriel Alén, e o alcalde, José Luís Valladares, resaltaron os resultados deste produto, protexido por unha indicación xeográfica protexida (IGP).
Na mesma liña, o director lembrou que o Pan de Cea conta co selo de calidade diferenciada desde 2004, polo cal subliñou que "permitiu ser recoñecido en toda Galicia e mesmo comercializarse fóra da nosa comunidade". Este festival foi declarado 'festa de Galicia de interese turístico' e nela poderanse degustar este tipo de pan e visitar os expositores de produtos gastronómicos con selo de calidade.
