Por E.P. | MADRID | 31/07/2023 | Actualizada ás 15:44
O Ingreso Mínimo Vital (IMV) alcanzou a 661.338 fogares nos que viven 1.921.747 persoas, segundo a estatística publicada este luns polo Instituto Nacional da Seguridade Social (INSS), con datos recompilados ata finais de xullo.
Cando se puxo en marcha esta prestación, o 1 de xuño de 2020, o Ministerio de Inclusión, Seguridade e Migracións, que dirixe José Luís Escrivá, prevía que esta prestación chegase a 850.000 fogares.
Segundo informa a Seguridade Social, do total de beneficiarios desta axuda, un 43% son menores (831.208). Ademais, se se ten en conta o número de fogares, en máis do 67% hai polo menos un menor (447.176).
Así mesmo, en dous de cada tres fogares a titular da prestación é unha muller e, se se ten en conta o total de beneficiarios, o 54% son mulleres (1.037.764).
Respecto ao número de prestacións co Complemento de Axuda para a Infancia (CAPI), alcanzan 395.086. O CAPI, que entrou en vigor en xaneiro de 2022, é unha axuda de 115 euros por fogar ao mes no caso de nenos de 0 a 3 anos; de 80,5 euros ao mes por cada neno entre 3 e 6 anos e de 57,5 euros ao mes por cada menor de entre 6 e 18 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.