Navantia Ferrol acollerá este mércores a colocación da quilla da fragata F-110, que renovará as naves da Armada española
O evento desenvolverase na bancada e estará presidido polo presidente da empresa pública, Ricardo Domínguez, e polo almirante Xefe do Estado Maior da Armada, Antonio Piñeiro.
Por Europa Press / Redacción | FERROL | 07/08/2023 | Actualizada ás 12:45
As instalacións de Navantia Ferrol acollerán este mércores, 9 de agosto, a partir das 13.00 horas, a colocación da quilla da primeira das fragatas da serie F-110, un evento que se desenvolverá na bancada e que estará presidido polo presidente da empresa pública, Ricardo Domínguez, e polo almirante Xefe do Estado Maior da Armada, Antonio Piñeiro.
Con este acto materialízase un novo fito na construción do programa de fragatas para a Armada española, que comezou a principios de abril do pasado ano co corte de chapa. O seguinte será a súa botadura, para posteriormente realizar a entrega da que será a primeira unidade desta serie composta por cinco unidades chamadas a substituír ás actuais unidades da clase 'Santa María', que ten a súa base en Rota (Cádiz).
