O PP pide a PSdeG e BNG que denuncien o "mercadeo" de Sánchez e se poñan de lado de Rueda

O deputado popular Alberto Pazos Couñago pediu este luns ao PSdeG e ao BNG que "se poñan ao lado de Rueda" en materia de financiamento autonómico, fronte ao intento de Pedro Sánchez de "mercadear" con esta cuestión a súa investidura.

Así o dixo durante unha rolda de prensa na que lembrou que, como dixo este fin de semana nunha entrevista a Europa Press, Rueda "porá todos os recursos na súa man para evitar unha nova ultraxe a Galicia" en termos de financiamento. Para Pazos Couñago é "preocupante" a decisión do Partido Socialista de "utilizar o financiamento autonómico" e a dación da débeda para lograr "unha investidura a calquera prezo" e, con iso, "favorecer ás comunidades insolventes".

Galicia, dixo o popular, resulta prexudicada en materia de financiamento autonómico "cada vez que un partido tenta tender lazos co independentismo catalán", algo do que tamén acusou a Zapatero, cuxa fórmula, a actual, "fracasou".

Rolda de prensa do deputado popular Alberto Pazos Couñago. | Fonte: Europa Press