O Igape pon en valor a aposta polo talento como motor da economía nun encontro con reitores do suroeste europeo
Os reitores trasladaron á directora do organismo as iniciativas que están a levar a cabo en materia de patrimonio cultural dixital e a posibilidade dunha aceleradora de startups neste campo.
Por E.P. | SANTIAGO DE COMPOSTELA | 10/08/2023 | Actualizada ás 17:39
A directora do Instituto Galego de Promoción Económica (Igape), Covadonga Toca, mantivo un encontro con representantes da Conferencia de Reitores das Universidades do Suroeste Europeo e do Cluster TIC e Audiovisual no que avaliaron, entre outros aspectos, os proxectos que están a desenvolver no ámbito do emprendemento e da innovación.
Nesta reunión, Toca puxo en valor a importancia da aposta polo talento como motor da economía do coñecemento e da economía verde e dixital.
Pola súa banda, os reitores trasladaron á directora do Igape as iniciativas que están a levar a cabo en materia de patrimonio cultural dixital e a posibilidade dunha aceleradora de startups neste campo.
