Feridas leves dúas mulleres tras sufrir unha saída de vía nas Somozas

Dúas mulleres resultaron feridas leves tras sufrir unha saída de vía na estrada AC-110, ao seu paso polo municipio coruñés das Somozas.

Segundo informou o 112 Galicia, o sinistro produciuse ás 12.00 horas. Nese momento, o Servizo de Urxencias Sanitarias de Galicia-061 alertaba á central de emerxencias deste accidente na parroquia de Recemel. O persoal do 061 indicaba que había varios feridos, pero de carácter leve e que neses momentos desprazábase unha ambulancia cara ao punto.

Ao chegar ao lugar, o persoal sanitario contactou de novo co 112 para solicitar a intervención dos Bombeiros, xa que, aínda que o estado das ocupantes do vehículo non revestía gravidade, si eran necesario medios de excarceración para liberar ás dúas mulleres. Tras ser liberadas, as dúas feridas foron trasladadas nunha ambulancia do Servizo de Urxencias Sanitarias de Galicia-061.

Accidente de tráfico rexistrado na zona da Fervedoira, en Lugo | Fonte: POLICÍA LOCAL DE LUGO