Os encoros galegos están ao 65% da súa capacidade
Por Europa Press / Redacción | SANTIAGO DE COMPOSTELA | 16/08/2023 | Actualizada ás 14:21
A reserva hídrica no Miño-Sil e Galicia Costa rolda o 65%, segundo datos do Ministerio de Transición Ecolóxica e Reto Demográfico (Miteco). Actualmente os encoros almacenan, a nivel estatal, 22.379 hectómetros cúbicos (hm3).
En concreto, na conca do Miño-Sil está a un 65,6 por cento da súa capacidade e na de Galicia Costa ao 64,5%. O informe destaca, ademais, que as precipitacións foron moi escasas na vertente Atlántica e practicamente nulas na vertente Mediterránea. A práctica total ausencia de choivas durante a última semana acelerou a caída da reserva de auga, que baixou un 1,2% ata situarse no 39,9% en todo o Estado.
Por ámbitos, a reserva no Cantábrico oriental ten o 83,6% e no Occidental ao 85,5%. Na conca do Miño-Sil a reserva é do 65,6% e en Galicia Costa do 64,5%.
No caso de Galicia, no Miño-Sil, cunha capacidade de 3.030 hectómetros cúbicos, a auga embalsada é de 1.988 hectómetros cúbicos fronte aos 1.511 do ano anterior. Na de Galicia Costa, con capacidade total de 684, está a 441, fronte aos 410 do ano anterior.
