Un veciño de Ribeira será xulgado por posesión e distribución de 261 arquivos pornografía infantil, algúns con nenos moi pequenos
A sección sexta da Audiencia Provincial da Coruña, con sede en Santiago, xulgará o día 20 a este home, para o que Fiscalía pide unha pena de oito anos e medio de prisión.
Por Europa Press / Redacción | SANTIAGO DE COMPOSTELA | 16/09/2023 | Actualizada ás 12:39
A sección sexta da Audiencia Provincial da Coruña, con sede en Santiago, xulgará o día 20 a un veciño do municipio coruñés de Ribeira polos presuntos delitos de prostitución e corrupción de menores, en relación a material pornográfico infantil. Fiscalía pide que se lle impoña unha pena de oito anos e medio de prisión.
Así, no marco da investigación, descubriuse a distribución por parte do acusado de 261 arquivos con contido pornográfico infantil e nomes que aludían de forma expresa ao devandito contido.
Posteriormente, en febreiro de 2020, realizouse a entrada e rexistro no domicilio do acusado. Nel, constatouse que "o acusado posuía e visualizaba unha gran cantidade de arquivos (fotos e vídeos) de menores de 16 anos participando en condutas sexuais explícitas, algúns de moi curta idade".
Ademais o acusado compartiu con outros usuarios da rede este tipo de arquivos mediante unha aplicación, segundo o Ministerio Público. "Nalgúns deses arquivos, tamén compartidos, constátanse imaxes especialmente duras e sádicas con nenos moi pequenos", sinala.
