Xuventudes Socialistas reclaman unha primeira matrícula gratuíta na universidade e financiamento para comedores

Xuventudes Socialistas presentou este mércores na Universidade da Coruña (UDC) a campaña 'Revolta nas aulas' co obxectivo de demandar melloras no ámbito educativo e financiamento. Así o expuxo o secretario xeral nacional de Xuventudes Socialistas, Xurxo Doval, quen precisou que se trata dunha campaña promovida desde hai un mes co obxectivo de xerar "pensamento crítico" entre o estudantado.

"Falta financiamento", sentenciou Doval, quen demandou unha primeira matrícula gratuíta na universidade ou financiamento para os comedores, "que subiron un 21 por cento". Ademais, alertou do custo do material escolar polo que reclamou máis medidas de apoio ás familias, ademais de incidir na posta a disposición de libros de texto gratuítos. Neste sentido, criticou que o PP o rexeite "cando sacan o bono deportivo".

"Hai un desmantelamento encuberto da FP, están a incrementarse as horas de formación virtual cando se perde calidade", dixo, ao que sumou a demanda dun técnico "que sirva de ligazón" co ámbito empresarial. Xunto a iso, reclamou melloras nas conexións por tren e autobús, no marco dunha campaña que incluirá a repartición de dípticos nos distintos ámbitos educativos para difundir as medidas expostas por Xuventudes Socialistas e que, a través do seu grupo parlamentario, traballa para presentar no Parlamento galego. A campaña presentarase o venres en Ourense.

A alcaldesa de Lugo e vicesecretaria xeral do PSdeG, Lara Méndez, asina unha ILP en materia de transportes xunto ao secretario xeral de Xuventudes Socialistas de Galicia, Xurxo Doval | Fonte: Arquivo