A CIG chama a mobilizarse para conseguir melloras laborais nas gardarías ante a "pasividade" doutros sindicatos
A través dun comunicado, a cental nacionalista acusa as empresas de querer "gañar tempo e alongar as negociacións" para evitar a retroactividade salarial de 2023, xa que propuxeron acudir en setembro ao sistema de mediación e arbitraxe para resolver conflitos. Con todo, a piques de acabar o mes, os sindicatos seguen "sen noticias" disto.
Por Europa Press / Redacción | SANTIAGO DE COMPOSTELA | 27/09/2023 | Actualizada ás 18:28
A CIG-Ensino fai unha chamada á mobilización dos traballadores das escolas infantís en Galicia ante a "pasividade" do sindicalismo estatal no marco das negociacións do 13º convenio estatal do sector, que seguen co "bloqueo" por parte das patronais. A través dun comunicado, a cental nacionalista acusa as empresas de querer "gañar tempo e alongar as negociacións" para evitar a retroactividade salarial de 2023, xa que propuxeron acudir en setembro ao sistema de mediación e arbitraxe para resolver conflitos. Con todo, a piques de acabar o mes, os sindicatos seguen "sen noticias" disto.
A CIG tamén lamenta que as organizacións a nivel estatal "incumpriron o compromiso" de manter unha reunión a comezos de setembro para continuar e intensificar as protestas. Por todo iso, a organización galega ameaza con máis mobilizacións en Galicia para reclamar un marco legal de negociación propio como "única vía" de diálogo real na que "non se suplante ás traballadoras e traballadores por cúpulas sindicais" e na que "se defendan os seus intereses".
