Arroiado un home de 47 anos por un tren no Barco de Valdeorras
Por Europa Press / Redacción | SANTIAGO DE COMPOSTELA | 11/10/2023 | Actualizada ás 10:00
Un home de 47 anos de idade, M.M.L., faleceu este mércores tras ser arroiado por un tren no termo municipal do Barco de Valdeorras (Ourense), ao cruzar a vía por un punto non autorizado.
O sinistro tivo lugar sobre as 00,36 horas da madrugada, e o 061 enviou á zona unha ambulancia asistencial de soporte vital básico así como persoal da PAC do Barco de Valdeorras. Fontes sanitarias confirmaron o falecemento no punto deste home.
Por outra banda, desde RENFE informaron de que o tren que arroiou á vítima era un convoi de mercadorías, e sinalaron que, sobre as 4,00 horas da madrugada, o tráfico ferroviario quedou restablecido e non se produciu afectación en ningún outro servizo.
