Un total de 174 aspirantes galegos conseguen entrar nas Forzas Armadas, entre os cales hai 16 mulleres
O Ministerio de Defensa pechou o segundo ciclo do proceso selectivo 2023 para o ingreso como militar profesional da escala de tropa e mariñeiría das Forzas Armadas, con notable afluencia de peticións na provincia da Coruña.
Por Europa Press / Redacción | SANTIAGO DE COMPOSTELA | 27/10/2023 | Actualizada ás 13:31
O Ministerio de Defensa pechou o segundo ciclo do proceso selectivo 2023 para o ingreso como militar profesional da escala de tropa e mariñeiría das Forzas Armadas, con notable afluencia de peticións na provincia da Coruña, segundo informa.
Para este primeiro ciclo, recibíronse no centro de selección da Subdelegación de Defensa na provincia 301 solicitudes (222 homes e 79 mulleres) para tomar parte no proceso. Finalizado o mesmo, 72 novos aspirantes pertencentes á provincia da Coruña obtiveron praza.
Igualmente, foron seleccionados no centro de selección coruñés un total de oito aspirantes procedentes da provincia de Lugo, o que fai un total de 80 seleccionados (64 homes e 16 mulleres). Deles, 26 irán a unidades do Exército de Terra, 51 á Armada e tres ao Exército do Aire.
En total e tendo en conta tamén os seleccionados no centro de selección de Pontevedra, 174 aspirantes da Comunidade Autónoma de Galicia conseguiron unha praza nas FAS para ingresar como persoal de militar de tropa e mariñeiría.
