O Black Friday para o comercio local: "Vén a complicarnos a vida"
Os comerciantes galegos sosteñen que non acadan beneficios con este fenómeno, pero que teñen que adaptarse.
Por Amanda Fernández | Santiago de Compostela | 23/11/2023 | Actualizada ás 21:19
Os consumidores xa se aproveitaron das rebaixas do 11/11 ou ‘Día do solteiro’, pero agora teñen a gran oportunidade previa ao Nadal que non é outra que o ‘Black friday’ ou ‘Venres negro’. De todos xeitos, xa hai descontos toda a semana e tal e como comenta José María Seijas, presidente da Federación Galega de Comercio “xa hai movemento notable” porque son vendas que “se facían de cara ao Nadal”. Como afronta o comercio galego este evento sinalado? “Á hora da verdade haberá máis volume de vendas, pero o beneficio será menos”, explica Seijas.
O presidente da Federación estima que cada consumidor galego gastará entre 250-265 euros, pero fai fincapé en que “non ve as cousas claras” pola incerteza tanto a nivel político, económico, subida dos intereses das hipotecas, os carburantes… “Todo isto emplica que o consumidor procure aforrar para ter un remanente”. Os artigos de moda e calzado será o que máis se venda seguido de ocio, electrodomésticos, fogar, decoración…
O indicador é que a venta online destaca nestes días e Seijas comenta que isto “está inventado por alguén de fóra” e que é algo que “vimos copiando”. Porén isto non é un problema para o comercio galego que vende tanto en físico como en liña. O problema é segundo do que non é “nada favorable só para os grandes monstros” e que é “vender por vender sen ningún beneficio”. Apunta que no último ano que coa venta a través de internet en España facturaronse 72 mil millóns, un 25% máis do ano anterior polo que “é parte importante”.Seijas considera que o comercio ten que aceptar e adaptarse aos hábitos dos consumidores, que mercan polos descontos. “No comercio galego temos que seguir a pauta marcada polos grandes monstros”, sentenza.
O COMERCIO LOCAL FRONTE ÁS GRANDES CADEAS
“Este é un invento americano de interese para as grandes cadeas que a saber que prezos e beneficios sacan, pero o pequeno comercio xa ten un prezo de custo fixado polo fabricante e de venta ao público”, explica José Antonio de Calzados Seijas en Santiago de Compostela. “O Black Friday vén a complicarnos a vida”, pero pese a iso asegura que ten que ir no mesmo sentido e “entrar nese xogo”.
José Antonio aclara que aínda que as ventas aumentan, ten unha ganancia menor porque non “tiñan que estar”. Bota a vista atrás cando as rebaixas naceron para eliminar os excedentes e que se poñía rebaixado “gañando o consumidor e gañando os comerciantes”. Reivindica que agora tiña que manterse esa regulación das rebaixas que beneficiaban a todos por igual.
O seu é a venda de zapatos e complementos en Santiago de Compostela, onde “o inverno empeza chovendo e acaba chovendo”. Isto supón unha necesidade no feito de adquirir calzado. Estima que será o produto que máis se venda, tanto en home como en muller, e que gastarán unha media de 270 euros. Os clientes que agardan son principalmente residentes na cidade compostelá.
