25 cadeiras baleiras en lembranza das mulleres asasinadas este ano
Institucións apelan a facer fronte á "secuela" da violencia machista con actos en recordo das vítimas
Por Europa Press / Redacción | SANTIAGO DE COMPOSTELA | 24/11/2023 | Actualizada ás 13:03
Institucións celebraron distintos actos con motivo da conmemoración este sábado, día 25, do Día Internacional da Eliminación da Violencia contra a Muller, entre eles coa colocación de 52 cadeiras baleiras, ante a Delegación do Goberno en Galicia, en recordo das mulleres asasinadas en España este ano.
Foi con chamamentos a non consentir o "terrorismo machista" e expondo a necesidade de seguir loitando contra a violencia de xénero. As cadeiras quixeron representar, ademais, "o baleiro" que estas mulleres deixan na sociedade.
Así se expuxo no acto ante a Delegación do Goberno en Galicia no que doce persoas, entre elas a alcaldesa da Coruña, Inés Rey, e a subdelegada do Goberno, María Rivas, leron a declaración institucional aprobada esta semana polo Goberno.
ACTO NA DEPUTACIÓN DA CORUÑA
Con motivo do 25N, tamén a Deputación da Coruña acolleu na súa sede un acto no que se leu un texto, lido de forma simultáneo en varios centros educativos da provincia e expúxose a campaña provincial 'De fronte á violencia de xénero', entre outras propostas.
