Por Europa Press / Redacción | Santiago de Compostela | 10/12/2023 | Actualizada ás 10:00
A saúde mental segue sendo un tema complicado de abordar no ámbito laboral. A metade dos traballadores en Galicia (53%) non se sinte seguro falando sobre saúde mental no espazo profesional. Así o revela o estudo 'Tabúes no entorno laboral' realizado por Sondea.
Entre as conclusións principais destaca que existe un desexo significativo entre as persoas traballadoras de falar de maneira segura sobre saúde mental: ao 37% gustaríalle poder falar diso na súa empresa. Das persoas que decidiron dar o paso e expresarse, case a metade (45,8%) recoñece que foi unha experiencia interesante, o que pón de manifesto que abordar este tema ten un impacto positivo no benestar das persoas traballadoras. Neste sentido, o papel dos compañeiros de labor é clave xa que son a principal fonte de confianza para o 60,3% das persoas que deciden falar sobre saúde mental no espazo de traballo, seguido dos superiores, co 23,4%.
Unha empresa como Amazon explica a través do responsable de Recursos Humanos, Marc Zenón, a súa visión: "Consideramos que temos a oportunidade como empresa e como parte da sociedade de fomentar a conversación e tratar de maneira moito máis aberta un tema como a saúde mental no ámbito profesional. É fundamental crear espazos de traballo seguros nos que todas as persoas sintan que teñen voz, liberdade e comodidade para expresarse sobre calquera inseguridade con todos os compañeiros".
RECOMENDACIÓNS PARA DAR O PASO
Patricia Ramírez, experta no ámbito do coidado da saúde mental, elaborou unha guía de recomendacións para axudar ás persoas a falar con seguridade no seu traballo. Entre os puntos están escoller o lugar e o momento apropiados, así como a persoa correcta, poñer o foco en solucións, priorizarse a un mesmo, validar as emocións e practicar a empatía, entre outros. "A saúde mental é un tema 'tabú' tanto no traballo como na vida cotiá, xa que relacionamos problemas deste tipo con debilidade dunha persoa. É moi importante falar disto porque nos fai máis humanos e xera un sentimento de pertenza", sinala a experta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.