Trasladado un condutor ferido logo dunha saída de vía en Ames

Unha persoa tivo que ser trasladada a un centro hospitalario despois de resultar ferida nunha saída de vía na AC-543, ao seu paso por Ames.

Segundo informa o 112 Galicia, ocorreu sobre as 16,00 horas, cando a central de emerxencias recibiía a chamada dun particular advertindo deste sinistro na parroquia de Ortoño. No seu relato, engadía que o ocupante do coche podía necesitar asistencia sanitaria e que o vehículo entorpecía o tráfico.

Así, o 112 puxo os feitos en coñecemento de Urxencias Sanitarias-061, do GES de Brión, da Garda Civil, da Policía Local e de Protección Civil.

Ambulancia do 061 | Fonte: 061-GALICIA - Arquivo.