Estabilizado un incendio forestal na parroquia de Vincios

Un incendio forestal rexistrado na tarde deste mércores na parroquia de Vincios, en Gondomar, foi estabilizado polos servizos de emerxencias que traballan na zona. Tívose coñecemento do lume minutos antes das 17.00 horas e na actualidade xa está estabilizado. Os servizos de emerxencia continúan traballando na zona con helicópteros para tratar de sufocar as chamas. Segundo fontes da Consellería do Medio Rural consultadas por Europa Press, o incendio afecta a menos dunha hectárea de superficie.

Imaxe do incendio desde unha casa próxima. | Fonte: Europa Press