Adeus este martes aos patinetes eléctricos nos trens por unha decisión unilateral de Renfe

Renfe prohibirá a partir deste martes, 12 de decembro, o acceso de patinetes eléctricos en todos os trens de viaxeiros, tanto de proximidade e Rexionais como de Alta Velocidade e Longa Distancia (AVE, Avlo, Alvia, Avant, Euromed e Intercity).

Esta prohibición vén fundamentada pola situación de perigo xerada ante incendios de baterías que se rexistraron nalgúns transportes públicos (por manipulación da batería, danos por golpes, paso do tempo ou utilización de cargadores diferentes).

Esta medida non só afecta os patinetes eléctricos, senón tamén aos monociclos ou calquera outro dispositivo de mobilidade persoal eléctrico ou dotado de baterías, con excepción dos vehículos de persoas con mobilidade reducida e as bicicletas eléctricas.

Renfe defende que esta medida se adoptou baseándose en criterios de saúde pública e de seguridade dos viaxeiros e é similar a outras producidas en distintas cidades de España e de Europa.

Usuario de patinete nunha estación de tren | Fonte: RTVE