Os 5.600 beneficiarios da Risga reciben o pago antes de Nadal
A Xunta adiantouno para que conten con esta prestación durante estas festas.
Por Europa Press / Redacción | SANTIAGO DE COMPOSTELA | 23/12/2023 | Actualizada ás 13:19
A Xunta adiantou o pago da Renda de Inclusión Social de Galicia (Risga) nestas datas de Nadal aos seus 5.600 beneficiarios para que conten con esta prestación durante estas festas.
A conselleira de Política Social e Xuventude, Fabiola García, visitou este sábado a cociña económica de Santiago coa que o Executivo galego colabora mediante a orde de axudas a entidades sociais. Segundo informou a Xunta, destinarán a esta cociña económica 240.000 euros mediante esta liña de axudas. Fabiola García lembrou que a Administración autonómica apóiase no tecido asociativo para atender a todas as persoas que se atopen nunha situación de vulnerabilidade para que estean atendidas. O próximo ano o Executivo que dirixe Alfonso Rueda incrementará os fondos destinados á inclusión social ata os 153 millóns de euros.
