Detidos tras entrar nunha vivenda de Celanova con pasamontañas e machadas

O equipo de Policía Xudicial da Garda Civil de Xinzo de Limia detivo este xoves a un veciño de Paderne de Allariz, de 34 anos, e a outro de Celanova, de 38 anos, por irromper nunha vivenda en Celanova con pasamontañas e machadas.

Segundo detalla a Garda Civil, os feitos ocorreron o 25 de decembro en Amedo e aos detidos están acusados dun suposto delito de ameazas e coaccións.

Os dous homes entraron na vivenda co rostro cuberto con pasamontañas e portando machadas, aínda que non chegaron a causar danos aos moradores. Apuntan que o móbil poderían ser desavinzas familiares.

Detido trasladado nun coche da Garda Civil | Fonte: GARDA CIVIL