Xunta e FAPXG renovan colaboración para mellorar a accesibilidade das persoas xordas a espazos naturais
Poñendo a disposición deste colectivo intérpretes de lingua de signos, entre outras accións.
Por Europa Press / Redacción | VIGO | 22/01/2024 | Actualizada ás 15:35
A Xunta e a Federación de Asociacións de Persoas Xordas de Galicia (FAPXG) renovaron este luns a súa colaboración co obxectivo de mellorar a accesibilidade aos espazos naturais de Galicia, pondo a disposición deste colectivo intérpretes de lingua de signos, entre outras accións.
Foi a vicepresidenta segunda e conselleira de Medio Ambiente, Territorio e Vivenda, Ángeles Vázquez, e o presidente da FAXPG, Íker Sertucha, os encargados de asinar este convenio, que desde hai varios anos manteñen ambos os organismos co fin de avanzar na eliminación das barreiras comunicativas e contribuír a favorecer a integración social das persoas xordas.
Cun financiamento de 10.000 euros, este acordo pretende facilitar o coñecemento e o acceso dos xordos e xordo-cegos aos principais espazos naturais protexidos da Comunidade, así como a aquelas instalacións públicas destinadas a divulgar información sobre os mesmos.
"Garantirase un servizo especializado nas accións de comunicación, actos e eventos de carácter institucional que se promovan desde a Xunta así como nas visitas que se organicen a este tipo de espazos para facilitar a participación das persoas xordas e que poidan gozar plenamente da experiencia de percorrer e coñecer os principais espazos naturais protexidos de Galicia", explicou a Xunta nun comunicado.
