Por Europa Press / Redacción | SANTIAGO DE COMPOSTELA | 27/01/2024 | Actualizada ás 18:34
A eurodeputada do BNG, Ana Miranda, mantivo este sábado un encontro coa comunidade galega de Suíza, á que animou a apostar polo cambio en Galicia dando o seu apoio ao Bloque para que Ana Pontón "sexa a próxima presidenta da Xunta".
"Se o BNG alcanza o goberno da Xunta temos o firme propósito de prestar especial atención aos problemas da nosa emigración na Suíza para resolver, despois de moitos anos, as peticións que a comunidade galega continúa a reclamar", manifestou.
Ana Miranda mencionou diversas propostas do Bloque para dar resposta ás necesidades da colectividade galega. Así, comentou que se o BNG goberna prestará máis atención ás dificultades que teñen os galegos para homologar os títulos de Formación Profesional, para reducir os "longos tempos" que pode durar o proceso de homologación.
"É necesario resolver esta dificultade que empeora a entrada dos galegos no mercado laboral suízo", sinalou no transcurso do acto, no que tamén participou o vicepresidente da Deputación da Coruña, Xosé Regueira; o alcalde de Xenebra, Alfonso Gómez; e representantes de diferentes asociacións culturais de Suíza.
A eurodeputada nacionalista considerou "fundamental resolver tamén os problemas relacionados coa xestión da documentación, a información laboral e o acceso ás diferentes axudas", polo que defendeu que a Xunta de Galicia cre que unha oficina permanente e física que poida asesorar á Comunidade galega "dunha maneira máis próxima, máis rápida, máis humana e na nosa lingua".
Doutra banda, Miranda subliñou que a Xunta debería prestar atención ás demandas do colectivo de persoas emigrantes en materia fiscal. Neste sentido, defendeu que o Goberno galego debe facer unha reclamación "decidida" ao central para "acabar coa discriminación fiscal que sofren os emigrantes galegos que, no caso de retornar, están obrigadas a ter unha dobre tributación, da mesma maneira que sofren tamén un trato "diferente" no que ten que ver no importe exento da declaración da renda.
CUMPRIR CO APROBADO
"Desde o BNG, ademais de comprometernos a prestar atención as demandas da comunidade galega Bruxelas tamén nos comprometemos a cumprir os acordos aprobados, non como actualmente fai o PP", manifestou a eurodeputada nacionalista.
Díxoo en referencia á aprobación por parte do Parlamento galego de realizar os trámites necesarios para que a CRTVG emita a través das súas canles dixitais con cobertura dixitais con cobertura internacional, así como permitir o acceso gratuíto á sanidade pública aos galegos retornadas que non cotizasen nin en Galicia nin en España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.