Baía Edicións convoca a 11ª edición do premio Meiga Moira de Literatura Xuvenil

Baía Edicións convoca a décimo primeira convocatoria do premio Meiga Moira de Literatura Xuvenil para obras de creación literaria escritas en galego e dirixidas a rapazas e rapaces de 12 a 16 anos.

O prazo de recepción de orixinais remata o 2 de abril de 2024 e a resolución do xurado darase a coñecer o 17 de maio. O premio, que poderá quedar deserto, considera unha única obra gañadora, á que se lle asigna unha dotación económica de 2000 euros, e será publicada por Baía Edicións na súa colección Meiga Moira.