Xulgan a un administrador por apropiarse de 66.700 euros dunha comunidade de propietarios

A sección segunda da Audiencia Provincial da Coruña acollerá o vindeiro martes, día 19, o xuízo contra un administrador acusado de quedar con 66.700 euros dunha comunidade de propietarios de Sada.

Segundo recolle o escrito de acusación de Fiscalía, o home, que exercía en 2017 como administrador dunha comunidade de propietarios de Sada, dispuxo ao longo de varios meses de distintas cantidades da conta corrente da comunidade para "fins distintos dos encomendados". En total, entre xaneiro e xullo dese ano fíxose con 66.700 euros.

O Ministerio Público considera os feitos constitutivos dun delito de apropiación indebida, polo que pide para o procesado tres anos de prisión e multa de case 2.000 euros, así como a devolución da cantidade subtraída.

Audiencia Provincial da Coruña | Fonte: Arquivo