O accidente dun camión provoca cortes na N-550 e a PO-10 en Salcedo
Os cortes de circulación provocan desvíos do tráfico pola PO-542
Por E.P. | PONTEVEDRA | 21/03/2024 | Actualizada ás 19:50
O envorco dun camión provocou cortes nas estradas N-550 e a PO-10 á altura da rotonda do Pino, situada no lugar de San Blas, na parroquia de Salcedo, municipio de Pontevedra.
Varias persoas que circulaban polo punto informaron o accidente ao 112 Galicia ás 13,15 horas. O camioneiro saíu ao exterior polo seu propio pé.
Os xestores do 112 Galicia coordinaron a acción dos diferentes organismos de intervención. Avisaron a Urxencias Sanitarias de Galicia-061, Bombeiros de Pontevedra, axentes da Policía Local e da Garda Civil e a membros de Protección Civil de Pontevedra.
Segundo informa o 112, esta tarde de xoves trabállase no lugar dos feitos para retirar o vehículo do punto e restablecer as condicións de seguridade da circulación. Os cortes de circulación provocan desvíos do tráfico pola PO-542.
