Excarcerada unha persoa tras unha saída de vía en Narón

Unha persoa tivo que ser excarcerada tras unha saída de vía na avenida de Miguel de Cervantes en Xubia, no municipio coruñés de Narón. Segundo informou o 112, minutos despois das 13,30 horas deste venres foi Urxencias Sanitarias de Galicia-061 quen deu a voz de alarma.

Desta forma, a central de emerxencias deu aviso aos Bombeiros de Narón, Policía Local e a Agrupación de Voluntarios de Protección Civil de Narón.

Unha vez no punto, os bombeiros tiveron que facer uso do material de excarceración para liberar á condutora do vehículo, que foi trasladada. Ademais, os efectivos tiveron que limpar a vía.

Accidente laboral.. 112 GALICIA