Trasladado en helicóptero un operario ferido nun ollo en Cortegada

Un operario tivo que ser trasladado en helicóptero ao resultar ferido nun ollo no municipio ourensán de Cortegada. O 112 recibiu ao redor das 12 horas o aviso dun particular solicitando asistencia sanitaria para un traballador. Segundo indicaba, ao operario saltáralle algo nun ollo mentres estaba a traballar.

Foi entón cando desde o servizo procedeuse a informar do sucedido a Urxencias Sanitarias de Galicia-061, quen mobilizou ao seu persoal nun helicóptero medicalizado ata o punto. A maiores, tamén se informou do sucedido aos axentes da Garda Civil, aos membros do GES de Ribadavia e aos efectivos de Protección Civil. Con todo, o operario tivo que ser trasladado pola aeronave ao centro hospitalario de referencia.

Sala de operacións 112 Galicia | Fonte: XUNTA - Arquivo