Julia González Álvarez toma posesión como directora da Escola Técnica Superior de Enxeñaría (ETSE)
Entre os cinco eixos que seguirá os próximos anos, sinalou a "mellora" da oferta académica e "calidade" da docencia, a captación de estudantes, buscarán "aumentar a implicación" do estudante coa escola, "mellorar" as infraestruturas e servizos, así como "a mellora" do labor administrativo.
Por Europa Press / Redacción | SANTIAGO DE COMPOSTELA | 10/04/2024 | Actualizada ás 15:30
Julia González Álvarez tomou posesión este mércores como directora da Escola Técnica Superior de Enxeñería (ETSE) da Universidade de Santiago de Compostela (USC). González Álvarez xa se atopaba neste cargo desde 2020 polo que agora, neste acto que estivo presidido polo reitor da USC, Antonio López, restableceu a súa continuidade no posto.
"A dirección dunha escola de enxeñaría é un traballo en equipo do que depende a participación de numerosas persoas, cada unha delas desempeñando un papel vital para o funcionamento esixido no centro", incidiu Julia González Álvarez durante a súa intervención. A continuación, remarcou que "fomentar" unha cultura de traballo en equipo e colaboración é "fundamental" para alcanzar os obxectivos e afrontar os desafíos que se presentan a medida que se modifican as tecnoloxías e ferramentas.
Así mesmo, a directora da ETSE destacou as "contribucións máis significativas" dos últimos catro anos e avanzou os "feitos estratéxicos" que guiarán o seu traballo nos próximos catro anos e as "metas que aspiran alcanzar". Entre eses cinco eixos que seguirán os próximos anos, sinalou a "mellora" da oferta académica e "calidade" da docencia, a captación de estudantes, buscarán "aumentar a implicación" do estudante coa escola, "mellorar" as infraestruturas e servizos, así como "a mellora" do labor administrativo.
