A creación de empresas sobe un 2% en Galicia en febreiro, menos que a media española
A disolución de empresas baixou un 6% na comunidade galega en febreiro de forma interanual.
Por Europa Press / Redacción | SANTIAGO DE COMPOSTELA | 11/04/2024 | Actualizada ás 11:48
Galicia rexistrou un total de 386 sociedades mercantís en febreiro de 2024, o que supón un 2,1% máis que no mesmo mes de 2023, segundo os datos publicados polo Instituto Nacional de Estatística (INE) este xoves.
O incremento galego está por baixo da media de avance do 7,9% que se anota a media española en febreiro. O maior repunte rexístrase en Asturias (22%). En cambio, hai un esborralle de 29% en Navarra. O capital desembolsado para a constitución destas compañías foi de 12,1 millóns de euros en Galicia. Todas as empresas creadas foron SL na comunidade galega neste mes.
Así mesmo, a disolución de empresas baixou un 6% na comunidade galega en febreiro de forma interanual, ata un total de 151. Do total de compañías que desapareceron, 139 fixérono de forma voluntaria, sete por fusión e cinco doutro tipo.
Pola súa banda, un total de 93 compañías ampliaron capital en Galicia (87 SL e 6 SA) por valor de 42,5 millóns de euros. En cambio, 33 empresas reduciron capital por 7,7 millóns. Ningunha realizou desembolso de dividendos pasivos.
