Retirar diñeiro en efectivo mediante os carteiros do rural?

Banco Santander ampliou a alianza que mantiña con Correos Cash para que os seus clientes retiren efectivo, de forma que agora poderán facelo solicitándoo directamente aos carteiros rurais, segundo informaron ambas as firmas en senllos comunicados. Segundo explican, os clientes poderán indicar ao carteiro a cantidade que desexan recibir, cun máximo de 500 euros.

O carteiro comprobará a identidade do solicitante mediante o DNI e a aplicación de Correos do carteiro indicará se esa persoa é cliente de Santander e se ten saldo suficiente. O carteiro levaralle a cantidade de diñeiro solicitada ao domicilio nun prazo de 24-72 horas hábiles desde que se realiza a solicitude, con "todas as garantías de seguridade" no proceso de transporte e identificación do solicitante do servizo. Informarase ao cliente a través dun SMS do día da entrega do efectivo.