O BNG fará unha oposición "humildade" pero intensa para "marcar o ritmo" á Xunta
Por Europa Press / Redacción | SANTIAGO DE COMPOSTELA | 21/04/2024 | Actualizada ás 17:38
A portavoz do BNG, Ana Pontón, sinalou que farán unha oposición con "moitísima humildade", pero tamén "moita intensidade", xa que queren ser capaces de "marcar unha parte do ritmo" do goberno galego desde a oposición.
Así o declarou nunha entrevista da Cadea SER recollida por Europa Press na que volveu a tender a man a Rueda para "defender" os intereses de Galicia ante o Estado e propúxolle manter unha reunión. "De momento non obtiven resposta, pero eu insistín en que sempre que se me convoque alí estarei", remarcou.
Pontón incidiu en que farán unha oposición "seria, rigorosa", na que "poñan por diante" a defensa de Galicia, xa que teñen "importantes retos por diante".
Un deses retos, continuou, "é a industrialización", pero "preocúpalle" que o PPdeG "confunda" industrializar "con contaminar" e para iso puxo como exemplo afábtica que Altri quere instalar en Galicia. "Unha bomba ambiental no corazón deste país", esgrimiu.
"A Xunta mentiu á cidadanía e mentiu ao Parlamento", apuntou Pontón á vez que indicou que a "única información" que o Executivo galego trasladouera a creación dunha fábrica de fibras téxtiles.
Con todo, unha vez que o proxecto foi público no Diario Oficial de Galicia, despois das eleccións, o que se coñece é que "é unha macro celulosa".
"Creo que é moi grave que a Xunta mentise porque a única reunión que mantiven con Rueda na pasada lexislatura, el comprometeuse comigo a enviarnos ao Parlamento toda a documentación sobre Altri. Seguimos esperando", lamentou Pontón.
CAMBIO DO CONSELLO DA XUNTA
Preguntada sobre que lle parece o cambio de día do consello da Xunta --do xoves ao luns-- Pontón asegurou que "lle sorprendeu" que Rueda "imite a Pedro Sánchez".
"Criticaron a Sánchez que cambiase o Consello de Ministros dos venres para os martes e, agora, parece que a primeira decisión de Rueda é imitar a Sánche", dixo
