A reserva hídrica de Galicia baixa dous puntos nunha semana e sitúase no 86 %

A reserva hídrica de Galicia conta con 3.184 hectómetros cúbicos, de forma que se sitúa no 85,7 %, dous puntos menos que hai unha semana, segundo os datos que publica o Ministerio para a Transición Ecolóxica este martes. As precipitacións afectaron considerablemente a toda a península, aínda que a máxima deste sete días produciuse na Coruña, con 51,2 litros por metro cadrado.

Nos encoros da conca de Miño e Sil, os de maior capacidade da comunidade, a reserva atópase en 2.633 hectómetros cúbicos, 22 menos que unha semana antes, de modo que baixa do 88 % ao 86,9 %. Non entanto, están por encima da media da última década e do dato de hai un ano. Pola súa banda, os encoros de Galicia Costa están ao 80,6 % (no 84,9 % a semana pasada), cun total de 551 hectómetros cúbicos, 30 menos que fai sete días. Neste caso, a cifra actual é inferior tanto na comparativa interanual como fronte á media dos últimos 10 anos.

O encoro de Velle liberando auga do río Miño, a 4 de novembro de 2023, en Ourense | Fonte: Rosa Veiga - Arquivo