Os trobadores Johan de Cangas, Martín Codax e Meendinho novas incorporacións ao Álbum de Galicia
Por Europa Press / Redacción | SANTIAGO DE COMPOSTELA | 08/05/2024 | Actualizada ás 18:39
O Álbum de Galicia incorporou as entradas dos trobadores Johan de Cangas, Martín Codax e Meendinho, que desenvolveron a súa actividade artística na área sudoccidental de Galicia durante o período medieval.
Así o explicou o Consello da Cultura Galega (CCG) que detallou que a integración destas entradas faise da man de Xosé Bieito Arias Freixedo.
Johan de Cangas, cuxo nome fai referencia ao pobo de onde seguramente era natural, foi un xograr e compositor que desenvolveu a súa actividade na contorna da ría de Vigo.
Desta forma, a obra que se conserva deste autor está composta por tres cancións pertencentes á modalidade de santuario ou de romaría.
Da vida de Martín Codax tampouco se coñecen datos certeiros, aínda que segú indicou Xosé Bieito Arias a "repetida alusión" a Vigo nas súas composicións sitúao na área suroccidental de Galicia, "onde probablemente desenvolveu" a súa actividade poética no terceiro cuarto do século XIII.
Deste trobador conservan sete composicións, enmarcadas dentro da modalidade das cantigas de amigo de tipo popularizante, nas que destaca a invocación ao mar e ás ondas como "interlocutoras e posibles portadoras" das noticias do amigo que está lonxe.
A ría de Vigo tamén foi o escenario no que Meendinho desenvolveu a súa actividade artística. A pesar de que del só consérvase a composición 'Sedia-m'eu na ermida de San Simion', esta é unha das "máis divulgadas e coñecidas" cantigas da poesía medieval galega.
Ademais, engadiu Xosé Bieito Arias, a cantiga de Meendinho "está presente en todas" as antoloxías da lítica galego-portuguesa e, xunto coas de Martín Codax, atópase as que recibiron maior atención da crítica especializada.
