Fortuna no accidente dunha avioneta en Monforte
Os dous ocupantes resultaron feridos leves.
Por Europa Press / Redacción | LUGO | 29/05/2024 | Actualizada ás 10:24
A localidade lucense de Monforte rexistrou na tarde deste martes o acciente dun avión ultralixero durante unha manobra de despegamento, un aparatoso suceso no que resultaron feridos os seus dous ocupantes, aínda que, por fortuna, o seu estado non reviste gravidade.
Segundo a información do CIAE 112-Galicia, o accidente ocorreu sobre as 17,00 horas deste martes, cando o aparello realizaba a manobra de despegamento no aeródromo de Monforte e, por causas que se descoñecen, caeu fóra de pista.
En concreto, a aeronave caeu sobre unha leira de piñeiros anexa ao camiño que bordea o aeródromo e golpeou un das árbores, rompéndolle varias ramas. Entre outros danos, o ultralixero presenta a á esquerda rota. Dentro do operativo foron alertados efectivos do Servizo Aéreo de Rescate do Exército do Aire, axentes de Policía Nacional, Autonómica e Local, Garda Civil, Protección Civil e Bombeiros, así como o helicóptero medicalizado do 061 con base en Ourense, para prestar asistencia aos dous ocupantes.
A avioneta saíra desde un aeródromo asturiano e realizara parada en Monforte antes de proseguir en dirección a Portugal, o seu destino final. Os dous ocupantes feridos non foron finalmente trasladados no helicóptero, se non que unha ambulancia levou a un deles ao Hospital de Monforte, mentres que o outro, só con pequenas feridas, foi derivado á PAC.
Ademais, por precaución ante un posible incendio, os Bombeiros retiraron todo o combustible que contiña o depósito da avioneta, que quedou almacenado para a súa recollida.
