Un coche queda encaixado nunhas escaleiras de Sanxenxo tras seguir as indicacións do GPS

A Policía Local de Sanxenxo tivo que prestar asistencia a última hora deste venres ao condutor dun vehículo que quedou encaixado nunhas escaleiras ao seguir as indicacións erróneas do GPS. En concreto, segundo informaron fontes municipais, tivo lugar nas escaleiras que unen a rúa Madrid, onde hai unha plataforma única para peóns e tráfico, e rúa Sol. Ao parecer, foi o GPS o que conduciu ao vehículo ata alí e indicoulle que descendese polas escaleiras, co que quedou encaixado. Foi necesario retiralo cun guindastre, pero non houbo feridos.

Coche encaixado nunha escaleira en Sanxenxo | Fonte: CONCELLO DE SANXENXO