Abren dous expedientes sancionadores a letrados de oficio de Ourense pola súa participación na folga

Esta semana notificáronse dous autos de apertura de expediente sancionador contra dous letrados da quenda de oficio de Ourense pola súa participación na folga. Segundo informaron desde o colectivo, están ditados polos xulgados de Instrución 1 e Penal 1 desta cidade.

Esta situación prodúcese, denuncian, "a pesar de que os expedientes previos abertos a compañeiros de Valladolid e Zamora, foron arquivados polos respectivos órganos xudiciais".

Os letrados de oficio "están a organizar mobilizacións de face ao aniversario da folga e a aprobación dos orzamentos da Xunta" que, critican, "ignoran as reivindicacións do colectivo". Ademais, denuncian, vaise a cumprir un ano desde o inicio das mobilizacións "sen que o conselleiro Diego Calvo recibise aos profesionais afectados".

Avogados da quenda de oficio suxeitan unha pancarta durante unha manifestación, a 12 de xullo de 2023, en Santiago de Compostela, A Coruña, Galicia (España). A esta folga, convocada polo Sindicato de Avogados Venia, foron convocados os letrados que pr. César Arxina - Europa Press