Ciudadanos renova a súa dirección en Galicia
O ex concelleiro do PP en Santiago, Javier Sánchez Agostino, foi elixido como novo portavoz en Galicia.
Por Galicia Confidencial | Compostela | 28/01/2016 | Actualizada ás 11:10
Ciudadanos quere consolidarse en Galicia e o fai incorporando aos seus postos de dirección a persoas que xa tiveron cargos de responsabilidade política, especialmente, os relacionados co PP. Por iso, nesta nova estratexia da formación de Albert Rivera, Javier Sánchez Agostino é unha peza fundamental. O ex concelleiro do PP en Santiago acaba de ser elixido novo portavoz da formación en Galicia polo comité executivo nacional.
Con este nomeamento, Ciudadanos pretende mellorar e reforzar a eficacia das diferentes responsabilidades orgánicas. "Estou moi ilusionado con poder asumir a enorme responsabilidade de ser o altofalante de Ciudadanos en Galicia, confiando en non defraudar nin á formación que represento nin aos cidadáns, aos que tratarei de dirixirme coa máxima claridade e nitidez", indicou.
O nomeamento de Agostino non será o único. Nos vindeiros días, Ciudadanos agarda completar o proceso organizativo da formación en Galicia coa incorporación de novas facianas que tiveron experiencia política no pasado, sobre todo para o comité territorial autonómico.
