Por Galicia Confidencial | Compostela | 05/04/2016 | Actualizada ás 16:00
O conselleiro de Cultura, Educación e Ordenación Universitaria, Román Rodríguez, considerou este martes que o uso de cámaras de videovixilancia na contorna escolar facilita a “convivencia” e "axudan moito a previr" situacións de risco.
Por iso, inisistiu en que calquera das medidas orientadas a facilitar a convivencia dos centros escolares vai ser entendida como positiva desde o Executivo galego. En todo caso, suliñou que a Comunidade "non ten un problema grande, nin moito menos, no campo da convivencia nin tampouco no campo do acoso".
Estas cámaras de videovixilancia pódense instalar dentro do centro, e en zonas comúns como o patio ou o comedor, cando sirvan para a prevención de danos aos menores, pero o seu uso está enmarcado no protocolo de protección de datos no que se recolle toda a normativa referida a información persoal, cesión de datos ou tratamento de imaxes dos estudantes da Xunta.
De feito, durante a súa participación no almorzó “Fórum Europa. Tribuna Galicia” este martes en Santiago, o responsable de Educación do Goberno de Galicia dixo que estas cámaras "axudarán" ao profesorado para facer seguimento de problemas de convivencia nos centros educativos
Ademais, destacou que "algúns centros" doutras autonomías xa teñen instaladas este tipo de cámaras, mentres que desde a Xunta proponse darlle unha "senda de seguridade xurídica" ás mesmas, para contribuír a salvagardar os dereitos dos nenos, enmarcando estas gravacións en lexislación referente á protección de datos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.