Cangas, primeiro concello galego en pedir a fin do bloqueo a Cuba
Todos os grupos do municipio, incluído o PP, aprobaron unha declaración institucional para sumarse á campaña “Por un 2016 sen bloqueo a Cuba".
Por Galicia Confidencial | Cangas | 01/05/2016 | Actualizada ás 10:35
Cangas do Morrazo converteuse onte no primeiro municipio do Estado español que aprobou unha resolución no 2016 solicitando o fin do bloqueo norteamericano a Cuba.
O pasado venres, o alcalde do Concello Xosé Manuel Pazos, integrante da formación política Alternativa Canguesa de Esquerdas, deu lectura da declaración institucional, que foi aprobada por unanimidad por todos os partidos políticos representados.
O pleno duro ata as doce da noite, acordando o alcalde de Cangas realizar a primeira semana de maio un acto institucional coa presenza do Cónsul Xeral de Cuba José Antonio Solana Fernández e os membros impulsores desta campaña. Tamén estarán invitadas outras organizacións políticas, sociais e culturais do concello.
A iniciativa foi presentada pola Asociación Cubana Galega Haydee Santamaría presidida por Jamari Llanes, e o Coordinador da “Campaña por un 2016 sen bloqueo a Cuba”, Lois Pérez Leira. "Esta decisión reflexa o sentimento do pobo de Cangas que sempre sentiu á revolución cubana como propia", dixo Pazos.
A aprobación desta resolución coincidiu coa decisión do Cabildo de Gran Canarias, de aprobar tamén unha declaración semellante a esta, por unanimidad. Tras estas iniciativas hai outras semellantes no Parlamento Vasco e na actualidade hai propostas en trámite de resolucións en Asturias, Navarra, Cataluña, Valencia, Illas Baleares e Andalucía. Tamén en numerosas cidades de España. En Galicia tamén se presentará noutros concellos como Pontevedra, Poio ou Bueu.
