Hospitalizado cunha ferida de bala un home de Touro

Un home foi trasladado en helicóptero este xoves despois de sufrir un disparo accidental mentres manexaba unha pistola de perno cativo en Touro. Segundo informou o 112 Galicia, foi sobre as 15,20 horas cando recibiu a alerta a través dun particular.

Este comunicou que unha persoa sufrira un disparo accidental no abdome ao empregar unha pistola de perno cativo. A Sala de Operacións do 112 Galicia informou a Urxencias Sanitarias de Galicia-061, á Garda Civil e á Agrupación de Voluntarios de Protección Civil de Touro.

O home foi trasladado ata o hospital de referencia a bordo do helicóptero medicalizado con base en Santiago de Compostela.

Helicóptero do 061no heliporto do Hospital Provincial de Conxo, a 7 de marzo de 2025, en Santiago de Compostela | Fonte: Agostime - Arquivo