Piden 16 anos de prisión para un home acusado de abusar de catro menores

A Fiscalía de Pontevedra pide 16 anos de prisión para un home por abusar sexualmente de catro menores de 16 anos en feitos ocorridos durante o curso académico 2023-2024. En dous dos casos, os abusos foron continuados. O Ministerio Fiscal requiriu, por cada un dos catro novos que sufriu abusos, penas de tres e cinco anos de prisión, nos casos nos que foron reiterados.

Por outra banda, solicitou a prohibición de aproximarse a unha distancia inferior a 100 metros do domicilio de cada unha das vítimas ou calquera lugar que frecuenten e a prohibición de comunicarse con elas por calquera medio por un período de catro e seis anos. Ademais, o Ministerio Público pediu que se impoña ao acusado --por un tempo de sete ou nove anos-- a inhabilitación especial para calquera profesión ou oficio, sexa ou non retribuído, que leve contacto regular e directo con menores de idade. Por último, a Fiscalía instou a que o individuo participe en programas de educación sexual tras cumprir a pena privativa de liberdade.

Audiencia Provincial de Pontevedra | Fonte: Confilegal - Arquivo