Rescatada unha muller que caeu nun colector do lixo e non podía saír del
Por Galicia Confidencial | Pontevedra | 19/06/2025 | Actualizada ás 21:20
Unha persoa caeu dentro dun colector de lixo no municipio pontevedrés de Soutomaior cando trataba de recuperar unha pertenza do interior do cubo de lixo.
Os efectivos de emerxencia tiveron que romper a caixa para poder rescatar á muller, que tiña unha lesión importante nunha perna e impedíalle moverse. Cando o servizo tivo coñecemento dos feitos mediante a chamada dun alertador ás 15.00 horas, activou un operativo coa participación de Urxencias Sanitarias de Galicia-061, os efectivos do GES de Mos e a Garda Civil.
Tamén foron informados os Bombeiros do Porriño, pero bastaron os recursos de Mos para facer fronte á situación. A muller foi trasladada ao Hospital de Montecelo, en Pontevedra.
