Investigan a aparición dun corpo sen vida nun transformador en Carballo

O corpo sen vida dunha persoa foi localizado dentro dun trasformador dunha subestación situada na rúa de Compostela, en Carballo.

Segundo informou o 112 Galicia, foi sobre as 12.30 horas deste xoves cando persoal da empresa eléctrica deu a voz de alarma. Ata o lugar desprazáronse os profesionais de Urxencias Sanitarias de Galicia-061, a Garda Civil e a Policía Local.

Os servizos de emerxencias traballan para desconectar a corrente e poder recuperar o corpo da persoa falecida. Pola súa banda, as forzas da orde investigan os feitos.

Ambulancia do 061 / Urxencias Sanitarias - Arquivo / Europa Press