Tres feridos nun choque entre un coche e unha moto en Riós

Tres persoas resultaron feridas e tiveron que ser evacuadas este domingo tras producirse unha colisión entre un turismo e unha motocicleta en Riós. En concreto, na motocicleta implicada ían dúas persoas, quen caeron ao chan tras o impacto. Segundo informa o 112 Galicia, ao redor das 15.30 horas recibiuse unha chamada de alerta, na que se avisaba de que un coche e unha motocicleta chocaran na N-525, no quilómetro 149.

Ademais das chamadas de testemuñas do accidente, o Centro Integrado de Resposta a Emerxencias de Galicia recibiu un aviso dun servizo de alerta automática, que indicaba o estado de inconsciencia dun dos ocupantes da motocicleta. Para atender aos feridos, os xestores do 112 solicitaron a intervención dos profesionais de Emerxencias Sanitarias de Galicia-061, que enviaron un dos seus equipos en helicóptero, pero finalmente cancelaron o servizo.

Helicóptero do 061 | Fonte: Arquivo