O incendio de Cualedro chega ás 50 hectáreas queimadas

O incendio no municipio de Cualedro, iniciado na tarde do pasado mércores na parroquia de San Millao, continúa activo este xoves tras arrasar 50 hectáreas en territorio galego, un lume que saltou a terreo de Portugal. Segundo detalla a Consellería do Medio Rural a Europa Press, os medios que participaron nas tarefas de extinción son: 7 helicópteros, 4 avións, 14 motobombas, 19 brigadas, 15 axentes, 3 pas e 3 técnicos. Entre os efectivos figuran tamén os bombeiros de Países Baixos que realizan unha estancia formativa en Galicia enmarcada no mecanismo europeo de Protección Civil.

Zona queimada en Cualedro | Fonte: Rosa Vega - Arquivo