Un incendio en Sanxenxo calcina colectores, dous coches e unha moto durante a madrugada
O lume, rexistrado na rúa Panadeira, afectou tamén ao cableado eléctrico e mobilizou bombeiros, Policía Local e GES.
Por Europa Press / Redacción | Santiago de Compostela | 02/08/2025 | Actualizada ás 13:33
O Concello de Sanxenxo informou de que na madrugada deste sábado arderon tres colectores na localidade, un lume que afectou tamén a unha motocileta e a dous coches que estaban estacionados, así como ao cableado eléctrico. En concreto, o incendio rexistrouse na rúa Panadeira e comezou ao redor das 04.15 horas, segundo indicou a Europa Press o 112 Galicia. Ademais, a Central de Emerxencias detallou que o lume calcinou por completos dous dos colectores. Ata alí desprazáronse bombeiros, axentes da Policía Local e o GES.
Doutra banda, unha muller foi trasladada ao hospital tras ser atropelada na mañá deste sábado na rúa Madrid, fronte ao Concello. O accidente produciuse por mor dunha manobra dun coche marcha atrás, o que provocou á muller un golpe na cabeza, polo que necesitou asistencia sanitaria. Con todo, fontes do Concello apuntan que non está nunha situación grave.
