(Vídeo) Momentos de moita tensión en Corme-Aldea, en Ponteceso: veciños desaloxados ao polideportivo municipal

Un novo incendio no municipio coruñés de Ponteceso obrigou este martes a desaloxar a veciños da parroquia de Corme-Aldea. Diso informou a Garda Civil, que explica que o lume obrigou a cortar a estrada autonómica AC-42 e obrigou a desaloxos de veciños ao iniciarse en catro focos preto de vivendas e nunha xornada de fortes ventos do nordés que impediron operar a medios aéreos.

A conselleira do Medio Rural, María José Gómez, cualifica de "atentado" o incendio "intencionado" na parroquia de Corme Aldea, municipio de Ponteceso, que obrigou a desaloxos de veciños ao iniciarse en catro focos preto de vivendas e nunha xornada de fortes ventos do nordeste que impediron operar a medios aéreos.

En declaracións aos medios no Posto de Mando Avanzado en Ponteceso, a conselleira afirma que "todo apunta" á intencionalidade do lume declarado este martes ás 14,12 horas en Corme Aldea "cunhas condicións climatolóxicas totalmente adversas", o que obrigou a declarar a Situación 2 por proximidade a casas. Remarca que se despregaron os medios aéreos, "pero foi imposible por seguridade que puidesen operar".

Así, lembra que Ponteceso sufriu "seis incendios nas últimas 72 horas", "tres controlados" e "dous de pequena entidade" pola rápida intervención dos medios..

En declaracións aos medios no Posto de Mando Avanzado en Ponteceso, a conselleira afirma que "todo apunta" á intencionalidade do lume. Remarca que se despregaron os medios aéreos, "pero foi imposible por seguridade que puidesen operar". Así, lembra que Ponteceso sufriu "seis incendios nas últimas 72 horas", "tres controlados" e "dous de pequena entidade" pola rápida intervención dos medios.

En concreto, Ponteceso sufriu varios incendios nas últimas xornadas que calcinaron máis de 500 hectáreas. O da parroquia de Cospindo foi extinguido (245 hectáreas), mentres están estabilizados os de Brantuas (170 hectáreas), A Graña (preto de 100 hectáreas) e Cores, iniciado tamén nas últimas horas. Paralelamente, Medio Rural informa dun incendio no municipio de Mondariz (Pontevedra), parroquia de Riofrío, que queima máis de 20 hectáreas. Está estabilizado desde as 9,39 deste martes.

Respecto diso, o alcalde de Ponteceso, José Manuel Mato, relatou a Europa Press que a situación "é moi perigosa" e polo momento descoñece a cantos veciños tiveron que desaloxar debido ao perigo do lume. A Xunta informou ás 16,12 horas, a través de redes sociais, da activación da Situación 2 por proximidade a vivendas. A conselleira de Medio Rural asegura que as investigacións apuntan "a esa intencionalidade en distintos puntos da provincia da Coruña" nunha xornada con varios lumes noutros municipios como Camariñas. Espera que o "máis pronto" se poida "identificar os causantes deste atentado" e "o peso da lei caia sobre esa xente que causa desgrazas como estas".

O conselleiro de Presidencia, Diego Calvo, incidiu en que a cantidade de incendios que hai esta semana cun vento do nordeste moi forte "son enormes", "máis cando se observa que son varios puntos nunha franxa moi curta, nun espazo moi pequeno hai varios puntos e o que mostra claramente que son intencionados". Agarda que "esas persoas paguen polo dano que están a facer, polos riscos que pon á poboación".

"O PEOR PARA AS CASAS XA PASOU"

Pola súa banda, o xefe do servizo de prevención de incendios forestais da Coruña, Guillermo Acebal, advertiu de que "a situación está complicada, non só aquí senón tamén noutros incendios na provincia". Indica que os lugares afectados en Ponteceso foron, "principalmente", Guxín, Corme Aldea e Corme Porto. "O peor para as casas neste momento xa pasou, pero seguimos tendo aquí unhas horas moi difíciles", deixa claro.

E é que as condicións meteorolóxicas son "moi malas", con refachos de vento "moi fortes", o que "impide o traballo dos medios aéreos". Agora, van encamiñar" as próximas horas a todo o traballo con maquinaria pesada e medios terrestres". Contarán con ata catro bulldozers, ademais de máis de 20 unidades de bombeiros forestais e urbanos, así como "un número moi importante" de brigadas. Sostén que "é pronto" para falar de causas do incendio, pero subliña que apareceron "varios focos na zona por enriba do lugar de Guxín". "Víronse como ata catro focos", agrega.

Resalta que se decretou a situación operativa 2, por risco para casas, e pediuse a intervención da Unidade Militar de Emerxencias, para que actúe tamén na parroquia de Xaviña, no municipio de Camariñas, afectado por outro incendio, onde tamén hai "unha situación un pouco complicada neste momento polas mesmas razóns" ao sufrir a Costa da Morte un forte vento 'nordés'. O alcalde de Ponteceso, José Manuel Mato, relatou a Europa Press que a situación "é moi perigosa" dun lume que as primeiras estimacións situaban por encima das 20 hectáreas.

Ademais deste lume, a Costa da Morte sufriu outros incendios durante esta xornada de 5 de agosto. O Concello de Camariñas informou dun lume entre A Brea e A Cancela, o que levou a pedir que non se faga uso da vía que vai de Xaviña á Pescadoira. Tamén apunta a focos en Xaviña (Brea, Chandeira, Sisto e Cancela) e na zona de Os Riás, no núcleo de Camariñas. No municipio de Carballo houbo un lume que afectou á zona de Outeiro, extinguido na tarde deste martes, informa o Concello.

EVACUACIÓN A POLIDEPORTIVO E ACCESOS A CORME CORTADOS

A Garda Civil relatou que se realizaron desaloxos de Corme Aldea e a zona de Guxín. As persoas foron persoas ao polideportivo de Corme, sobre todos a maiores, e ao resto a unha chaira próxima. Ademais, indica que os accesos a Corme estan cortados para facilitar os labores, con visibilidade "practicamente nula" e "moitísimo vento" que impide traballar a medios. Pídese a todos os cidadáns que sigan as indicacións das forzas e corpos de seguridade.

O GOBERNO OFRECE Á UME

Pola súa banda, a subdelegada do Goberno na Coruña, María Rivas, puxo a disposición da Xunta "todos os medios que sexan necesarios" para a extinción ante o risco para casas. Rivas explica que está en contacto co alcalde e a Garda Civil, ademais de ofrecer "coordinación e compromiso absoluto". Posteriormente, a Xunta solicitou a axuda da Unidade Militar de Emerxencias (UME). A UME informou de que envía a unidades do Quinto Batallón de Intervención en Emerxencias, que saen desde a base Conde de Gazola, en León para sumarse ás misións de extinción.

OUTROS INCENDIOS EN GALICIA

Paralelamente, Medio Rural informa dun incendio no municipio de Mondariz (Pontevedra), parroquia de Riofrío, que queima máis de 20 hectáreas. Está estabilizado desde as 9,39 deste martes. Mentres, está activo un incendio no municipio da Fonsagrada (Lugo), parroquia de Monteseiro, iniciado ás 15,30 horas deste martes e que calcina máis de 20 hectáreas.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)