Por Galicia Confidencial | Lugo | 27/06/2016 | Actualizada ás 12:13
Non hai mes que non haxa sobresaltos na Deputación de Lugo e, desta volta, non chega por parte da oposición, senón dos propios grupos de goberno. O BNG baralla xa deixar o ente provincial tras o acordo ao que chegaron este luns o PPdeG, o diputado díscolo Manuel Martínez e o PSdeG.
Finalmente, e tras meses de desacordos, o presidente provincial, Darío Campos, chegou a un acordo con populares e Martínez para aprobar as contas da deputación, pero sen o consenso co seu socio de goberno. Os nacionalistas foron os únicos que, no pleno deste luns, votaron en contra dun acordo que saíu aprobado por maioría.
A esta situación chégase logo de varios bloqueos propiciados polo PPdeG e Martínez que, no último pleno para decidir as contas, no do 19 de maio, se puxeron de acordo para volver enmendar os presupostos o que motivou que Campos os retirara definitivamente.
E, durante este último mes, o presidente provincial estivo buscando o consenso, principalmente, do PPdeG para aprobar unhas novas contas que contentaran a todos. Unha situación que, sen embargo, chocou co seu socio de goberno que xa anunciou que decidirá se continúa ou non no organismo provincial. Será esta tarde cando a Executiva Nacional do BNG decida se valida este acordo ou, se pola contra, decide marchar da oposición e deixar só ao PSdeG.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.